Pflanzblätz-Gschyss

Wie schöön ischs doch in dr Natuur
früschi Luft und Freiheit puur.
Und hesch sogar e Schrebergarte,
kasch mit e m glügglig syy grad starte.
Es herrscht e grossi Einigkeit
und alli gniesse d Seeligkeit.
S het Lüt us allne Regione,
wie Türke, Dane und Wallone,
Schwede, Schotte oder Grieche
und aine kunnt sogar us Rieche.
Ob Hindu, Jude oder Moslem,
im Schrebergärtli gits „no Problem"!
Me schafft gärn zämme Hand i n Hand,
goot a u uff d Schnäggejagd mitnand,
s wird gjättet, gschuuflet, alles gschtampft,
vom Morge frieh bis Zoobe grampft.
Wichtig isch au alles giesse
und zwüschedryy e Bierli gniesse.
S wird zämmegsässe, schöön grilliert
und über Ungrut diskutiert.
S isch wie i m Baradyys i m Stille,
m e gniessts mitnand, s isch ai Idylle.
So isch es gsii syt vyyle Joore,
me troggt sich, goot das jetzt verloore?
Denn s Kaller Esthi hetts Beschtraabe
die Gärtliszene neu z belääbe
Sy blaant scho, s waar ihr Ideal,
e Volggsfescht-Garte-Areal.
Ich due euch do emol verzelle,
was für Schwachsinn si het welle.
E offeni Begegnigszoone
für alli wo in Basel woone,
wie Beamti, Ketteraucher,
Hurootsschwindler, Tiefseedaucher,
au Grabstaischmuggler, Hündeler,
Pfannefligger, Stündeler,
Dünni, Diggi, Glaini, Grossi
für alli soll da Blatz denn doo sy.
S ganz Volgg darf jetzt durs Gländ spaziere
und d Gärtnerarbet kommentiere.
Aine seit so Pepperoni
haig sy Vroni leider nooni.
E andre meint dr Zwatschgebaum
syyg nur für alli Würm e Draum.
Und d Blueme uff dr griene Matte
sott me besser undreschpatte.
S wird grytisiert und au benootet,
wie guet das ganze Waggsdumm grootet.
Die vyyle Lüt hänn a u mol Durscht,
drum offeriert me Bier und Wurscht.
S Aagebot isch riise grooss
was sy biete schlicht famoos.
Vom Dreihschpiess kasch e Dööner haa,
mit Flaadebrot und Sosse draa.
Zum Curry-Ryys isch n o z erwääne,
da isch s o scharf, bikunsch grad Draane.
Denne gits, zum sälber hoole
Grill-Steak, grad wie Gummisoole
und d Brotwürscht s zwyyfled niemer dra,
kömme glaub uss Afrika
Kasschnitte, wells schyyns stingge muess,
und Hömli mit vyy! Opfelmues.
Denn hetts Uffschnitt, ganzi Blatte
und für d Kinder Zuggerwatte.
Au für Veganer, das syyg Bruuch,
gits statt Würscht halt Gmies im Schluch.
S wird rundum gsorgt fürs lyyblig Wool
mit Asse und gnueg Alkohool.
Und die mit vyyl Intoleranze,
mien wilder heim mit leerem Ranze
Unterhaltig isch au wichtig,
s het für jedes Alter s Richtig.
Die grosse und die gleine Gneggis
spiile im Komposcht Versteggis.
E Bueb da schuttet mit em Fuess
sy Balle grad ins Opfelmues.
S git Wettbewärb im Seili zieh,
au Gluggere am Morge frieh.
Petanque-Kugele kame schiebe,
und sich im Faaneschwinge iebe.
S git Renne für uns Altgardischte,
die finde statt in Seifikischte.
E Tombola dari au nit faale,
muesch nur die rächte Löösli wääle
no gwünsch Salatschtegg oder Tee,
villicht sogar e Neglischee.
Denn ka me no dr Lukas haue
oder a u e Sandburg baue.
Für d Hünd gits no e Platz, e runde,
damit sy nit ins Gras dien pfunde.
Bim Schiessschtand schiesst ein, s isch nit
schwaar,
u s Blöödsinn uff e Teddybäär.
Ein macht n o Muusig, s isch s o Moode,
a r bloggt e alti Quatschkommoode.
E Chor duet au no d Oohre quaale
s dien nur no d Freyhaitstrychler faále.
Doch d Gärtlibsitzer duets nit freue,
die pfläggte Gärtli dien s y reue.
Denn s wärde Blueme aabe dramblet,
mit Abfall d Gartebeet verschandlet
und d Matte hinter de Limette,
brucht me als Freyliecht-Toilette.
So goots denn zue v o frieh bis schpoot,
bis a u d r Letschty heim zue goot.
Zrugg blyybt vyy! Abfall und vyyi Drägg.
orangschi Männer butzes wagg.
So hets Esthi dräumt bim Pfuuse,
doch dr Schuss goot hinde uuse
Zum Glügg hetts Volgg das doch nit welle,
e Absaag gits an d Baudepp-Gselle.
Jetzt finde d Gärtlibsitzer Ruen,
s goot wytter schtill und fridig zue.
Jetzt warte alli, ich sags kurz,
uff dr näggschti Baudepp-Furz.