Dr Saubannerzug z Basel

Lut Gschicht hän mit em Saubannerzug
zer Fasnachtszyt, das isch kai Lug,
trotz närische Dääg so gar nit witzig.
gnau vierzähhundert-sibenesibsizig
aiduusig-sibehundert Kämpfer
nur welle bi-de burgundische Gämfer
gschwind hole vom Gäld fir ihri Tate
als Ryslaifer no die letschti Rate.
Als Fäldzaiche e Banner mit ere Sau
u f blauem Grund und ere Keule-n-au,
wo zaigt, was die hän wirklig welle:
nur ,haue-haue', hersch verzelle.
Kunnt ebbis i n Wääg, wird's zämmegschlage,
nyt blibt me ganz, hersch iberall klage.
Und niemeds isch do, w o da Sauhuffe stoppt,
s o aine, wo-me-n-als Hälfer lobt.
Doch da'sch Histone, langschtens umme,
halt ‚gueti alti Zyt' no numme...
...hesch gmaint. Henai au, bisch drnääbe,
ganz glyych goht's hit im täglige Lääbe!
Do sait d r Haigi zer Clara, sym Schatz
«Waisch was, mr gehn zem Claraplatz
und denn in City bi scheenschtem Watter
(dert hets meh Schwyzer, das isch natter)
in d' Freie Stroos g o Shopping mache.»
Oh, wie hersch do s Clarli lache,
denn läädele tuet si firs Labe garn
nit numme z'Basel, au z Ziri und z Bärn.
Dert warde alli Montere bschaut,
drwyl s i e schlaue Dieb beklaut,
doch bis si's merkt, isch-er u f und divo
und het-ere z ganze Hushaltgäld gno.
Wie soll-me ohni Gäld denn poschte,
w o alles Feine duet soviel koschte?
Es isch fatal, doch Gott sei Dank,
dr Haiggi het v o syner Bank
die goldig Mastercard drby
suscht wär's mit em Chröömle jetzt vrby.
(Erscht soone Karte macht aim richtig
liquid und kaibemässig wichtig!)
Doch vorhär sait d r Haiggi: «Mr mache
grad Aazeig, denn e s wär zem lache,
wurd d Polizei d a Schelm nit fasse
in ainere v o d e Altstadtgasse.-
Doch wyt u n brait kai Schugger z. gsen.
Wo sinn die denn, herjemineh?
Doch pletzlig wird's lärmig, us haiterem Himmel
s marschiere Chaote durs Samstigs-Gwimmel.
E Farbbeutel fliegt an d Hiserwand,
Vermummti usser Rand und Band
wild haue mit Schlagstöck d Schaufänschter y.
E s brämst sie niemeds. Das ka doch nit sy.
Wo blibt au jetze d'Polizei,
wo sorgt, dass ufhert die Sauerei?
Die fahre halt lieber im Auti umme
am Untere Rhywääg in dr Sunne,
und luege ewäg, wenn si aine sehn,
mit Ruschgift handle, und en lehn
still wytermache, denn nämme s en yyne,
grad loht en uuse, will ene schyyne,
d r Haftrichter, denn d Bewiislag sig dinn
und kurzi Stroofe mieche kai Sinn.
So deale si wyter, die dunkle Gstalte
und kenne-n-is soo zem Narre halte.
mit unserer Drogepolitik,
w o wältwit doo stiechi ohni Kritik.
Dr Hanspi Gass luegt zfriide dry
Und sait: «Lehnt mini Schugger sy.
Die mache ihri Sach schon rächt.
Wär ebbis anders sait, dänggt schlächt!»
Gedanklig zrugg i n d Freie Stroos.
Was isch denn dert inzwische loos?
Wenn D' mainsch, ass unsri Ordnigskreft
fescht in dr Hand jetzt haiges Heft,
denn dyschisch D i grindlig, im Gegedail,
kapputi Schiibe, gar nyt meh heil,
d Chaote verschwunde. Denn rugge-si aa
in Kampfmontur zwoor Maa fi r Maa,
doch laider z spoot, um d Lyt z beschitze,
e sottige Yysatz ka nyt nitze.
Doch d'Gschäftslyt stehn verdutzt i n Schärbe
und sehn ihr Ziil vom Lääbe stärbe,
drzue mien si als Bsitzer vom Laade
sälber bläche dr ganzi Schaade.
Si luege-n-in Mond und, statt däm Pack,
berappe das Unhail us aigetem Sack.
D Versicherig kenn nit haftpflichtig wärde,
do nitzi au kai Grichtsbeschwärde,
dr Staat haig au kei Gäld zem Zahle
dasch klar, e s sinn grad kaini Wahle.
Das kenne dr Haigi und s y Clärli
so gar nit begriffe, si nämme ihr Wärli
gschwind untere Arm und ab ins Trämli,
dert sinn si vor Raubritter sicher nämli,
au wenn dert anderi Gfohre luure:
Zigüner öbbe, w o b i Elsässer Buure
als laabe, aber im Schwyzerland
b y Yybrüch stähle allerhand.
A u die sehsch unseri Schuggerfritze,
salbscht wenn s i ufgregt ummeflitze,
fascht nie verwitsche, denn, wenn die Memme
mit Blauliecht und Martinshorn ändlig kemme,
sinn d Dieb scho verschwunde ibers Fäld
mitsamt em Hiislibsitzer sym Gäld.
Und die Moral v o däre Gschicht:
Sisch hit no glyych wie-n-in alte Bricht.
Gang gschwind i n Deckig, wenn's dätscht und knallt,
wenn's Schärbegricht dur d Stroosse hallt,
ob Saubannerzug, ob Demonstration,
Du bisch elai, das isch e Hohn.
Das darf doch nit sy in unserer Stadt,
wo wär im Grund gno scheen und glatt,
doch wenn D nimm' sicher bisch und gschitzt,
kuum beschti Stadtwärbig ebbis nitzt.
M e zieht ufs Land, wenn nit grad au
in Kanton Schwyz no Wollerau,
und kehrt dr Rugge Basel am Rhy,
wo alli aigedlig gärn wotte sy!