Daag und Nacht e Kuchischlacht

Duesch in dr Stube aine schnappe,
o b das am Daag isch oder z Nacht,
kaasch vor Dym Färnseh ummezappe:
s begegnet aim e Kuchischlacht.
Kocht wird hüt i n alle Länder,
vo Promis oder Koch-Virtuoose.
Überall uff alle Sänder
hett ain d Finger in d r Soosse.
Ohni Ruggsicht uff d Hygiene
bestimmt kennt kain in dääre Szene
schnure sil wie d Confrenciers;
d r Bocuse oder Escoffier.
Sii zaige s Hooch- und Niidergaare
und ptyffen uff d Ästhetik;
tragtiere d Waare wie d Barbaare
und halte nüt v o Eethik.
O b Hobbykoch, ob Lichter, Lecker,
ob Schubeck, Biolek, o b Lafer:
S göhn aim alli uff e Wegger,
denn was gschwätzt wird isch Palaaver.
Ob Studi, Epiney, o b Sager,
was die schwaafle, isch rächt myys;
Und d Maagerkoscht isch wirgglig maager
und gniegt grad für dr Knorrli-Pryys.
Statt koche schwätze sii e Mischt
und alli wänn e Groossi haa;
kain vo de Köch isch Spezialischt,
nit Stucki und nit Moosimaa.
Koche könne ! Syg e Glügg,
verzapfen uns die Kuchiglöön;
Sii bruuche fremdi Fachuusdrügg
wo sii sälber nit verschtöhn:
Im haisse Wasser Flaisch, als Mogge
mutiert zem eedle "Pot au feu";
En alte Fisch, s isch glyych wie drogge
haisst fachlig uusdruggt: "Truites au bleu"
Anstatt Salz haisst s : "Fleur de sel"
Statt Riebli haisst s "Karötteli",
und Ziibele sinn generell
vo jetz aa nur "Schalötteli".
Denn schwätze sii vo demi glace,
v o Mirepoix und v o Fond de veau
und maine denn. e Mise e n place
miech d Frau dehaim au "aifach-soo..."
Überhaupt mainsch vor em Färnsehkaschte
d Kochkunscht syg nur Firlefanz
und schwupp: Mit aim Drugg uff e Taschte
strahlt d Kuchi scho im schöönschte Glanz.
Doch wenn D's dehaim wottsch imitiere
stellsch fescht: Dir fählt e Kochbrigaade,
D Wohnig muesch neu tapeziere
und d Kuchi hett totale Schaade.
Derbyy hänn friehner doch scho d Fraue
uns au mit feinem Asse gloggt,
doch sinn si döört - ganz im Vertraue -
nit ständig vor em Färnseh ghoggt.
Si hänn s no gleert ghaa v o dr Mamme,
und hänn n o kocht mit groossem Stolz,
mit Liebi und mit Füür und Flamme
und hänn d r Härd n o ghaizt mit Holz.
Wie hämmer uns n o gfreut als Biebli
a n Häppistogg und Arbsli/Riebli.
Mit sehr vyy! Glügg hett s ghaisse: "Waisch,
hüt isch Sunntig, drum gitt s Flaisch",
wobyy men under de Häppi unde
s Flaisch per Zuefall nur hett gfunde.
Als Entrées Suppe und Salaat
(gwürzt mit Knorrli-Aromaat).
Und als Dessert - ohni Gschpass -
E dünni Schyybe Ananas;
Kirsch für d r Babbe, uus dr Fläsche.
...Und denn hetts ghaisse: Gschiirr abwäsche!
Luegt hüt e Mensch in d Heftli yyne
löhn d Kochrezäpt aim nit i n Rueh,
Denn alli gänn, s o wott s aim schyyne
fascht überaal d r Sämf derzue.
S wird beschriiben und besproche
gemääss e m Redaggzions-Konzäpt,
was d Huusfrau eventuell könnt koche
und liiferet derzue d Rezäpt:
Doch wo sii s Kochbuech konsultiert,
stellt sii fescht: Sii hett kai Zyt!
Denn d Kochrezäpt sinn z kompliziert
und zuedäm fählt dr Appetyt.
Drum hett die Frau e Glanzidee:
Panierti Stääbli v o d e Fisch
oder denn - s wird s niemer gseh -:
stellt si Fastfood uff e Disch !
Syt Kurzem goht s au a n d e Bau-,
a n Uhre-, Kunscht- und Handelsmasse,
i n eerschter Linie u m d Schau,
um s Kochen und s pikanten Ässe:
Sportler wie dr Ceccaroni
koche für die halbi Stadt
Opfelmues und Maccaroni
manggmool rassig... Oder matt.
Denn bröötle wyteri Pseudo-Promis
hauptsächlig suuri Lääberli;
i m Bruef wäär soo ain höggschtens Commis
und hätt nie s Gschigg vom Hääberli.
S druurigscht isch und s macht aim suur:
me gitt sich "kulinarisch";
Doch wirggt die hüttig Frässkultuur
wo D' aaneluegsch: Barbaarisch !
Ob s jetz am Daag isch oder z Nacht:
s wird gfrässe, ohni Gnuss;
Nur findet jetz die Kuchischlacht
im Dram statt und i m Bus.
Miir wünschen alle Lüt im Land:
E rächt e Guete mitenand.