Was isch loos mit dr Zollfreistrooss?

Frau Schneiderli, Frau Schneiderli
was isch mit Ihne los ?
S letscht Mool isch es d Clara- gsi
und das Joor d Zollfreistrooss.

Herrschaft. Si hänn jo scho Talänt
zem ständig lätz z entschaide;
Doo muess men aanãa s Fundamänt
und dr «l-O» syg beschaide

Sag. hööre Si s denn nit, Si Pfyffe
in Ihrem Bau-Depp-Schlag ?
Sag, wann Si s aifach nit begryffe ?
Mir hänn e Staatsvertrag !

Veryybaart hett me dää vor Joore
mit em Noochber uus em Norde.
Und Si wänn stuur und unverfroore
dä Staatsvertraag ermorde.

Sag, wänn Si aifach um s verregge
en Ehrewort verletze ?
Was d Schwoobe - will Si d Laag nit checke -
ihrersytts nit schetze.

Jetz hann Si au no Hilf bikoo
vo Lüüt, wo Ihne diene:
Und Si sinn bim Regiere froh
um e «Rooti» und e «Griene».

Und so griegt s Bau-Depp vyyl Support
als Staatsvertrags-Erdrosseler:
Die bsetze d Bäum und s Wiisebord
zer groosse Freud vom Vosseler.

Derbyy wott dãa nur demonschtriere,
doch ihm gohts nit um d Sach!
Ar wott döört au nit biwakiere,
Denn s Wichtigscht isch: S gitt Grach !

Ärmlech s zem Schutz vom Auewald,
sait uns da Sälbschtdarsteller;
Derbyy isch är als grieni Gstait
dr aggtyyyscht Birggefeller.

Im Schlepptau vo dám griene Spatz
kunnt noo ain in Sandaale.
Dr Morin findsch doort au am Platz I
Kunschtügg... S isch vor de Wahle..

Zwoor isch dà «grien» im höggschte Grad
und schlaff and matt und drogge,
sch monoton und lau und faad.
Kurz gsait: E lahme Sogge,

Doch das gitt Stimme vo de Lingge
jo, ammel vo de Maischte,
wo doort an s Wilsenuufer hingge
und schwätze und nüt laischte

Z schütze gitt s doort unde nüt
- doch…, villicht en alte Schnägg -
und z Tüllige, döört frasse d Lüüt
wägem Vosseler dr Drägg !

Z schütze gitt s drei Räägewürm
im Wiisebord-Revier
Villicht findsch in dam griene Gschtürm
no zwei/drei Grabbeltier

Drum hett die Bsetzig nur ai Zyyi
vo Pseudo-Biolooge
S isch nur e «Dampf-Abloo-Ventyyi»
und zynisch und verlooge

Die, wo sich nämlig döört hann droffe
sinn nit spaziert «per pedes»
Si sinn au nit döört aane gloffe,
Nai, aagruuscht im Mercedes !

Döört dien si d Tanne und au d Föhre,
und s Bruetgebiet und d Aue
mit ihrem Lagerlääbe stööre
und s Wiisegländ versaue.

Gfeschtet wird am Waag, im Raase,
am Daag und in dr Nacht;
Und zwüsche Füchs und Reh und Haase
wärde d Stinggi gmacht.

Am Wuchenand wird zämme kocht
und s gitt e Sunntigszopf:
Und d Eva, wo an d Wiise blocht
die stiftet «Morin-Kopf».

Die Griene dien döört d Umwält blooge
und huuse glyych wie d Affe;
Doo duet e Bueb dr Babbi frooge:
«Du mien die Lüüt nit schaffe ?»

Wäär weiss hüt scho, wie s wyter goot ?
Wäär isch hũt no im Bild ?
Was macht dr neu Regierigsroot ?
Was fiehrt dr Jörg im Schild ?

Zeerscht muess dr Morin - das stoht fescht -
sich in dr Gsinnig wandle
und als Regierigsroot und Tescht
nach Düütschland go verhandle:

Druff zeigt är sich im Parlamănt
nümm boggig und numm stuur;
sunscht wärde rund um s Wiisegländ
au d Schwoobekääfer suur.

Die wurde sich denn revanchiere
und d Luune uns verdriesse,
Uns wurd s nüt nutze z lamentiere
denn, wenn si d Granze schliesse.

Dr Morin muess drum andlig saage
und luut uns aavertraue
«Mir wänn nümm handle und nümm glaage
D Frau Schneider muess jetz baue !»

Schluss isch denn mit proteschtiere
vo Umwalt-Aggtyvischte.
Das Grach wird numme no rentiere
für d Richter und d Jurischte.

No warde d Dossiers umme gschoobe
vo Grichts- zue Grichts-Instanz
Und zamme mit de liebe Schwoobe
ziehn mir voreerscht Bilanz.

Dr Grach um d Zollfreistrooss blybt grooss
Doch uns regt das nit uff:
Uns freut das glyych wie d' Clarastrooss:
Vo A bis Zett: E Puff.