AuFürDi 11.03.2023 10:30 - 15:00 im Glaibasel

Junge Garde

Willsch nid au wüsse, wie das isch, Fasnacht z'mache? Wie das isch, mit ere Larve und em e Goschdym dur d'Stadt z'laufe?

 

Oder mit em Piccolo die scheene Melodie z'pfyffe? Oder uff dr Drummle lutt durch d'Gasse z'ruesse?

Denn lueg doch bi uns Glaibasler Cliquene iine, denn d'Fasnacht isch #aufürdi do. Mir stellen ys vor und zeige dir unseri Clique. Und villicht gfallt dir jo eini vo de Cliquene, wo du bsuechsch, ganz bsunders guet, und du kunnsch für e paar Iebigsstunde go schnuppere!

Kumm am Samschtig, 11. Merz, ins Glaibasel! Du findsch unseri Ständ in dr Clarastroos, vo dr Mittlere Brugg bis fascht zur Mäss verteilt. Vom 10:30 am Morge bis am 15:00 am Nomidaag! Denn du weisch: d’Fasnacht isch #aufürdi do.